乾炒牛河、星洲炒米、雪菜肉絲炆米…呢啲港式茶餐廳經典碟頭炒粉麵，夠鑊氣之餘仲落足調 味料炮製，難怪咁多年來一直深受食慣重口味嘅香港人愛戴，不過唔講唔知，就算只係食一碟，都經已超出世衞每日每天一茶匙鹽嘅標準！
資深營養師吳耀芬(Kathy)解釋，食鹽的成份中納質（Sodium）約佔四成，即 1 克食鹽便含有 400 毫克的鈉，世衞建議每人每天不宜攝取多於 2,000 毫克鈉質，相約於 5 克（即 1 茶匙）鹽份。鈉質對身體具有調節功能，但過量攝取則對健康構成威脅。
齊來睇睇鈉的三大害處
- 增加患高血壓的風險 攝取過量鹽份會增加患高血壓的風險， 容易引致血管爆裂， 或形成壞膽固醇斑塊， 造成血管阻塞，甚至引致中風。
- 容易水腫 過量鈉質會使身體儲存水分以調節體內平衡，間接形成水腫情況。
- 增加腎臟負擔 腎臟負責代謝血液內的廢物和調節體內礦物質， 如鈉、鉀質水平。 當鹽分攝取得愈多， 腎臟負擔愈大， 故患有腎病的人士尤其需要注意鈉質攝取量。
揀低鹽蠔油看門口
既然日頭無可避免要出街食高鹽高糖高油食物，夜晚返屋企煮飯就要認真咁控制一吓鈉攝取量。以煮餸常用嘅蠔油為例，不妨留意成份到底夠唔夠健康。今次我地挑選咗幾款坊間知名品牌嘅蠔油成份標籤畀大家參考：
*跟據產品標籤
營養標籤一睇就明
- 學識睇「1+ 7」 營養素 「1」 是指熱量，而「7」 就是 7 種營養素， 分別是蛋白質、總脂肪、飽和脂肪、反式脂肪、碳水化合物、糖和鈉。
- 營養素含量表示方式 例如「每100克 / 毫升」、「每包裝」或「每食用份量」，部份包裝會同時列出兩種不同的食用份量以供消費者參考。
- 認清營養聲稱規格 例如「低脂」代表每 100克固體食物含不超過 3 克脂肪或每 100 毫升液體食物含不超過 1.5 克脂肪，世衞建議總脂肪量應少於每日總熱量的30%。
- 「低鈉」參考指標 雖然香港並無為「高鈉」和「低鈉」食物設下定義， 但有些國家例如英國將每 100 克含超過600 毫克鈉質的食物定義為「高鈉」食物，「低鈉」食物則代表每 100 克固體食物含不多於120毫克鈉質。
營養師醒您都市人健康三招
- 選取新鮮食材 煮食時多用新鮮食物，少食經醃製或加工的肉類、 醃菜和罐頭食物等。調味方面可加入新鮮番茄來製作醬汁，或以香草、 蒜頭和香料等各種天然「 低鈉」調味料作為鹽的替代品。
- 多吃蔬菜多喝水 含有高鉀質的蔬菜例如海帶、 紫菜和毛豆等， 均有助降低體內鈉質含量。此外，平日記得攝取足夠水分，同樣有助排出多餘鈉質、代謝物和多餘水分。
- 外出用膳選低鈉餸菜 多醬汁的餸菜一般都含有較高鹽量，可免則免為妙。另外更可主動要求菜式「少鹽」、「不加味精」和「少汁」，做個精明食家。
資深營養師吳耀芬(Kathy)
Kathy是中大食物及營養科學學士、港大心理輔導學碩士、認可身心語言程式學（NLP）導師和催眠治療師，常出席電視報章營養專訪，及撰寫專欄文章。她以「身營心營」為信念，幫助城市人快樂修身。
Kathy營養師 身營心營
https://www.facebook.com/nutritionistkathy/
「家營」- 你的家庭營養師
https://www.facebook.com/katspirit.nutritionists/