好多人都經常受到敏感肌膚問題困擾，連平日出街食飯都小心翼翼，都係想對肌膚好啲無投訴。敏感發作或敏感肌剛剛受控之時，肌膚仍然處於脆弱狀態，有啲用家卻以為呢個時候揀啲護膚成份多嘅護膚品就最啱，仲以為愈多一定愈好。呢個直頭係錯到離譜嘅諗法，因為有啲成份可能會再次誘發致敏架！所以你反而應該要揀啲對肌膚「安全」，幫助穩定同維持肌膚狀態嘅產品先啱。

1. 分辨成份表中的防腐劑

防腐劑係其中一種最常見成份，最叻以化名（化學名稱）隱身，令消費者好難發現佢地。

有啲護膚品雖然聲稱自己「paraben free（不含對羥基苯甲酸酯）」，但皮膚科專家提醒，paraben free 唔代表產品不含其他防腐劑。

2. 留意可致敏香料成份

唔好以為護膚品香噴噴好過癮，有啲可致敏香料成份會滲入肌膚角質層造成刺激，引致痕癢、乾燥、紅疹等各種敏感症狀。

3. 嚴防其他致敏高危成份

• 可釋出甲醛成分
即使係低濃度嘅甲醛（formaldehyde）或可釋出甲醛（formaldehyde-releasing），仍可能導致部分用家出現皮膚受刺激嘅過敏反應。
• IPBC
碘丙炔醇丁基氨甲酸酯（Iodopropynyl butylcarbamate，簡稱 IPBC）係一種可能刺激皮膚嘅防腐劑，長期接觸可能會產生接觸性過敏反應。
• 酒精或變性酒精
護膚品裏面嘅酒精成份可以減低用後黏膩嘅感覺，但係皮膚長時間接觸高濃度酒精或變性酒精（alcohol denat.），可能會刺激皮膚，引致接觸性皮膚炎，令皮膚變得乾燥。

4. 終極方案：產品只需提供肌膚所需成份

睇完以上咁多不必要嘅護膚品成份之後，攞唔攞到「成份多唔代表好」呢個重要概念先？下一步就係挑選一啲標榜無致敏高危成份嘅優質護膚產品，睇吓佢點樣幫敏感肌膚保持穩定。例如坊間有啲產品會選用模仿人體皮脂結構及細胞相融嘅物質，達至保濕及高效滲透功效，令肌膚更容易吸收，咁就可以減少引發敏感嘅機會啦！

防止護膚品氧化點解咁困難？

除此之外，消費者仲要留意護膚品响開封之後容易滋生細菌嘅衛生問題。坊間一般採用嘅氣壓真空瓶樽，因為開封後容易養菌，產品通常都要加防腐劑，過咗期就要扔掉。至於獨立細包裝雖然可以唔使加防腐劑，但係開封後空氣會令產品迅速氧化，同樣造成浪費。

嶄新無菌專利護膚技術 打造無菌安全產品

到底有咩方法可以唔使响護膚品內加入防腐劑，同時又唔使擔心開封後變壞？市面上有一種嶄新無菌專利護膚技術(Sterile Cosmetics)，由生產過程至包裝及開封後都維持無菌狀態。獨特的D.E.F.I.單向式「有岀無入亅唧咀，產品只可以流出，令空氣無機會進入產品內產生氧化問題，因此亦毋需使用任何防腐劑，加上生產過程嚴格按照歐洲製藥標準，响完全無菌嘅環境下生產同包裝，而且產品仲可以長時間保存於與外界完全隔絕嘅狀態，所以毋須設定有效日期。

自問對護膚品要求高，或者肌膚屬於容易敏感嘅類型，都應該試吓呢款絕對係破天荒嘅「無防腐．不變壞護膚品」。

氣壓真空	「有岀無入亅唧咀	獨立細包裝
開封前無菌的包裝狀況	永久無菌的包裝狀況	開封前無菌的包裝狀況
內含氣壓咀死位	不含氣壓咀死位	開封後空氣容易進入
可防止空氣進入致氧化	可防止空氣進入致氧化	不可防止空氣進入致氧化
可能附有防腐劑或仿防腐劑成份	不需使用防腐劑	不需使用防腐劑
需設定有效期	可不用設定或擔心有效期	需於三天內用畢

所以以後記住，如果生產技術可解決護膚品嘅保鮮問題，就唔需要再加入任何添加物質，只需給肌膚最基本的成份，咁樣就可以更徹底咁減少接觸致敏源引發敏感嘅機會，日日以最佳狀態見人啦！