好多香港家庭都會飼養寵物，同喵星人汪星人開展同居生活固然溫馨又窩心，不過寵物毛髮同時係家居入面最容易引發鼻敏感同氣管敏感嘅其中一種致敏原。想一家人同寵物住得清潔舒適同健康啲既話，買吸塵機嗰陣記得留意有無以下呢啲針對 petpet 家庭需要嘅功能，幫你將清潔家居變得好 easy。

1. 留意吸毛原理同功效

寵物毛髮之所以難於處理，原因係毛髮好容易黐响地毯、布梳化、咕𠱸、床單、被褥之類嘅紡織纖維之上，因此令塵埃細菌更容易依附堆積，有時一拎起個咕臣揚起大量毛髮同塵埃，馬上連打幾個乞嚏流鼻水感染中招，滋生嘅大量細菌更有機會致病。

所以如果有養寵物，揀吸塵機唔好單係睇馬力，仲要留意佢有無「特別的吸毛技巧」！有啲專為寵物家庭而設嘅吸塵機，當渦輪塵刷高速轉動滾筒時，上面嘅多條柱狀掃帚將原本黐實梳化、床單纖維嘅毛髮同塵，先打鬆然後經由強勁氣流吸走，一睇就知效果同普通嘅吸塵機完全係兩回事，對家人健康保障都勁啲。

2. 會唔會嘈到屋企寵物？

有啲吸塵機雖然吸力夠強，但係弊在聲浪仲強，莫講話喵汪聲人都怕咗佢，就連 BB 仔或者小朋友瞓著咗都俾佢嘈醒，夜晚放工返屋企更加唔敢開機驚嘈到鄰居。如果想錫晒家中幼兒同寵物，或者唔想一開機就嚇到汪星人亂咁吠、喵星人即刻跳上櫃頂，揀吸塵機嗰陣記得試用時留意一下操作聲浪呢一點。

3. 吸味除臭都得？

汪星人 family 嘅家居總係有一陣狗味，好多吸塵機一用得耐，放埋一邊都會散發住呢一陣臭味，一開機時機尾更加將臭味噴晒出黎。有啲吸塵機就好體貼咁加咗配備活性碳空氣潔淨濾網，可以有效吸收吸塵袋毛髮嘅異味，一面吸塵清潔家居，一面幫屋企吸味除臭。

4. 留意產地證明

大家都知家庭電器產地唔同，信譽同口碑都有差異。歐洲品牌本身已經係金漆招牌，「德國製造」呢 4 個字更加係用家信心保證，唔單止買吸塵機，買其他家庭電器都一樣。

適逢今年係 Miele 香港嘅 20 周年誌慶，好多精選產品都輪流以折扣登場，今期啱啱輪到呢部 Complete C3 Cat & Dog 吸塵機，8 折之後依家只係賣 $2,790^（原價:$3,488），吸毛吸味一流，加上操作寧靜同德國製造，性價比完全無得輸，相信每個 petpet family 家中嘅主子都一樣會派 like。

^優惠期至 2017 年 6 月30 日，需於 2017 年 7 月22 日前送貨。