好多時候响屋企打邊爐、煮上湯通粉或上海麵、整中式湯飯，甚至海鮮意大利飯 risotto，都要用雞湯打底，有啲餐廳同酒樓大廚就分享咗一個炮製雞湯嘅快靚正秘技，成本仲比起一般做法更平更抵，今次測試就係要睇吓呢個方法幾可信。

呢個方法原來好簡單，只需用 30 毫升嘅雞汁加水，就足夠開出 1 公升嘅雞湯，而味道仲好清甜有雞味。香港百物騰貴，屋企煮飯都要低成本煮出高水準先符合經濟原則，於是小編首先去超市買咗一支家樂牌雞汁，再去買埋其他測試項目做了個 blind test，一共搵咗 4 位大廚同精明師奶參加試味會。想知結果？即睇睇下圖 :

綜合以上測試結果，用鮮雞熬湯雖然花多好多時間同價錢，但始終都係最好味，其餘兩款飲落就差唔多，尤其是秘技雞汁，味道拍得住鮮雞湯之餘，計落條數的確好抵用，比起用開嘅盒裝雞湯大約平成 7 倍，好適合平日鍾意下廚嘅朋友。聽聞出面好多廚師都有用開呢隻雞汁，用佢黎醃肉、炒菜，提升菜式鮮味。以性價比計，今次測試係雞汁開雞湯嘅秘方完勝。