提起「家庭藥」，相信好多人都會馬上諗到李衆勝堂保濟丸呢個百年老藥品牌。不過可能大家都同小編一樣，以前只知道保濟丸適合對付痾嘔肚痛腸胃不適，唔知道用佢黎對付感冒原來一樣咁掂。今次我地就睇下保濟丸點解連擊退感冒症狀都一樣咁叻先！

1. 保濟丸嘅處方裏面有咩成份？

保濟丸嘅處方其實係由十幾種中成藥組合製成，包括廣藿香、蒼朮、白芷、化橘紅、菊花、薄荷、茯苓，薏苡仁、神曲、稻芽等，呢條處方所以能夠流傳百幾年，正因為處方能夠達至表裏相解、袪邪扶正嘅作用，好似一個非常合作無間嘅團隊咁，各司其職之餘又互相協調，所以先能夠紓緩感冒引致頭痛、流涕、噴嚏、疲乏等症狀，又有效散風除濕，真正做到治標又治本。

2. 唔同季節嘅感冒症狀都唔同？

簡單黎講，四時感冒係由四季交替嘅六淫邪氣，即係中醫所講嘅風、寒、暑、濕、燥、火、外邪所引致，不同季節容易受到不同的外感邪氣致病。例如依家時值夏季，一般嘅夏季最容易患上「暑濕感冒」，主要原因係夏季天氣悶熱，濕度比較高，特別容易出完一身汗之後出入冷氣環境而受到風寒之邪入侵。至於春天、秋天同冬天嘅感冒亦有唔同症狀，病徵同治療方法亦各有不同，而保濟丸就能夠同時針對唔同感冒病徵對症下藥。

3. 保濟丸仲有咩功效？

保濟丸本身係一條好有功效嘅中藥處方，雖然依家已經係 21 世紀新時代，但係只要理解佢嘅治療同調理功效，就會明白今時今日呢條處方一樣切合到現代都市人生活嘅唔同身體狀況，例如成日搭飛機嘅旅遊達人同公幹一族，成日舟車勞頓兼且容易水土不服，或者面對學業同工作壓力，經常頭痛或者腸胃不適個肚揦住痛，仲有間中社交應酬飲多兩杯，酒後不適唔舒服，保濟丸都一樣幫到手。正所謂「識得用其實好好用」，試過好多唔同方法，小編始終都居家旅行有佢响身邊個人真係安樂啲！